பஞ்ச தள இராஜ கோபுர திருப்பணி வேலைகள்

Monday, May 22, 2017

திருவெண்காடு புண்ணிய சேஷத்திரத்தில் பிரதான தோஷங்களை நீக்கும் பிரதோஷ வழிபாடு ! ! ! 23.05.2017



பிரதான தோஷங்களை நீக்குவதுதான் பிரதோஷ வழிபாட்டின் முக்கிய சிறப்பு. யார் ஒருவரது ஜாதகத்தை எடுத்துக் கொண்டாலும் அதில் குறைந்தது 4 தோஷங்களாவது இருக்கும். எத்தனை தோஷங்கள் இருந்தாலும், பிரதோஷ தினத்தில் சிவனை வழிபடுவதன் மூலம் பயன்பெறலாம். 

பொதுவாக பிரதோஷ தினத்தில் சிவனை அனைவரும் வணங்குகின்றனர். இந்த இடத்தில் “அனைவரும்” என்பது மனிதர்களை மட்டும் குறிக்கவில்லை. முப்பத்து முக்கோடி தேவர்கள், பிரம்மா, விஷ்ணு ஆகியோரையும் குறிக்கும். அந்த நேரத்தில் சிவனும் ஷேம நலத்திற்காக வழிபாட்டில் ஈடுபடுவார் என்பது ஐதீகம்.

Saturday, May 13, 2017

திருவெண்காடு சித்திவிநாயகப் பெருமானை சங்கடஹர சதுர்த்தி நன்நாளில் விரதம் இருந்து வழிபட்டால் கடன் தொல்லை நீங்கும் ! ! ! 14.05.2017



விரதம் என்றால் உண்ணா நோன்பு என்று பொருள். உணவு உண்ணாமல் இறைவனை முழுமனதோடு வழிபட்டால் நினைத்தது நிறைவேறும் என்பது நம்பிக்கை. விரதம் என்றால் சிலர் முழுமையாக உணவு உண்ணாமல் இருப்பர், சிலர் காலையில் மட்டும் உணவு உண்ணாமல் இருப்பர். சிலர் பால் மற்றும் பழம், பழச்சாறு இவற்றை உண்டு விரதத்தைப் பூர்த்தி செய்வர்.

ஒவ்வொருவரும் தங்களுக்கு என்ன கோரிக்கை இருக்கிறதோ, அதற்கேற்ற கடவுளைத் தேர்ந்தெடுத்து அதற்குரிய நாளில் விரதத்தை மேற்கொள்ள வேண்டும். அந்த அடிப்படையில் இந்தக் காலக் கட்டத்தில் ஒரு மனிதனுக்கு சங்கடம் என்பது ஒன்று மனதால் வருகிறது அல்லது பணத்தால் வருகிறது. இந்த சங்கடங்கள் அகன்று சந்தோஷம் பெருக வேண்டுமானால், மூல முதற்கடவுளாம் கணபதிக்கு சங்கடஹர சதுர்த்தி விரதத்தை கடைப்பிடிக்க வேண்டும்.

Thursday, May 11, 2017

திருவெண்காடு புண்ணிய சேஷத்திரத்தில் சிறப்பான வாழ்வு தரும் சித்ரா பவுர்ணமி ! ! ! 10.05.2017


சிறப்பான வாழ்வு தரும் சித்ரா பவுர்ணமி விரத வழிபாடு பன்னிரண்டு மாதங்களில் வரும் பவுர்ணமியில் மிகவும் சிறப்பு வாய்ந்ததாகக் சித்ரா பவுர்ணமி கருதப்படுகிறது. இந்த நாளில் விரதம் இருந்தால் கிடைக்கும் பலன்களை பார்க்கலாம்.

வழிபாடுகளே நம் வாழ்க்கைத் தேவைகளைப் பூர்த்தி செய்கின்றன என்று முன்னோர்கள் கூறியுள்ளனர். வழிபாடுகளிலும் கூட நிலவு நிறைந்த நாளிலும், நிலவு மறைந்த நாளிலும் மேற்கொள்ளும் விரதங்கள் உடனடி பலன்களை வழங்கக்கூடியவை.

Saturday, May 6, 2017

திருவெண்காடு புண்ணிய சேஷத்திரத்தில் பஞ்சமா பாவங்கள் விலகும் பிரதோஷ வழிபாடு ! ! ! 07.05.2017


பிரதோஷ வேளையில் சிவாலயங்களுக்குச் சென்று வழிபாடு நடத்தினால் 5 ஆண்டு தினமும் சிவாலயம் சென்று வழிபாடு நடத்திய பலன் கிடைக்கும் என்பது நம்பிக்கை! 
பிரதோஷங்களில் 20 வகைகள் உள்ளன. அந்நாள்களில் நடத்தப்படும் வழிபாடுகள் அதன் பலன்கள்:
1. சோமவார பிரதோஷம்: திங்கள்கிழமையும் திரயோதசி திதியும் வரும் நாள் சோமவார பிரதோஷம். அன்று சிவ வழிபாடு செய்தல் மிகவும் சிறப்பு. குறிப்பாக ஜாதகத்தில் சந்திரன் நல்ல நிலையில் இல்லாதவர்கள் சோம வார பிரதோஷம் அன்று சிவன் கோயில்களில் அர்ச்சனைக்கு வில்வம் அளித்து வழிபட்டால் துயரங்கள் விலகும். 

Friday, April 28, 2017

திருவெண்காடு புண்ணிய சேஷத்திரத்தில் செல்வம் பெருகும் விநாயகர் சதுர்த்தி ! ! ! 29.04.2017


விநாயகர் சதுர்த்தியன்று அதிகாலையிலேயே எழுந்து வீட்டைத் தூய்மை செய்து மாக்கோலமிட வேண்டும். பூஜை அறையில் மணைப்பலகையை  வைத்து, அதன்மேல் தலை வாழையிலையை வைத்து அரிசியைப் பரப்ப வேண்டும். அரிசியின் மேல் நம் வலதுகை மோதிர விரலால் பிள்ளையார்  சுழியிட்டு, அதன்கீழ் ஓம் என எழுத வேண்டும். மணையின் இருபுறமும் குத்துவிளக்கை வைத்து, தேவையான பூஜைப் பொருட்கள், நிவேதனப்  பொருட்கள், அபிஷேகப் பொருட்களை தயாராக வைக்க வேண்டும்.

Monday, April 24, 2017

திருவெண்காடு புண்ணிய சேஷத்திரத்தில் அனந்தகோடி பலனைத் தரும் பிரதோஷ வழிபாடு ! ! ! 23.04.2017


பிரதோச வழிபாடு சிவ வழிபாட்டிற்குரிய மிகச் சிறப்பான மிக முக்கியமான வழிபாடாகும். தோசம் என்ற வடமொழிச் சொல்லிற்கு குற்றம் என்று பொருள். பிரதோசம் என்றால் குற்றமற்றது என்று பொருள். குற்றமற்ற இந்தப் பொழுதில் ஈசனை வழிபட்டால் நாம் செய்த சகல பாவங்களும் நீங்கும் என்பது ஐதீகம். பிரதோச காலமென்பது மாலை 4 மணி முதல் 6 மணி வரையான காலமாகும்.

Friday, April 21, 2017

திருவெண்காடு எனும் புண்ணிய பதியில் ஆலயமாகிய வரலாற்று பதிவு !


திருவெண்காடு எனும் புண்ணிய பதியில் சிறுபராயம் முதல் சிவபக்தனாக விளங்கிய ஸ்ரீ மான் இலங்கைநாயக முதலியாரின் பேரனாகிய ஐயம்பிள்ளை உடையாருக்கு இந்திரலோகத்து வெள்ளையானை (ஐராவதம்) ஆலமர நிழலின் கீழ் காட்சி கொடுத்து ஆலயமாகிய வரலாற்று பதிவு !

இந்திரன் மால்பிரமன் எழிலார்மிகு தேவரெல்லாம்

வந்தெதிர் கொள்ள என்னை வெள்ளையானை அருள்புரிந்து

மந்திர மாமுனிவர் இவன்ஆர்என எம்பெருமான்

நம் தமர் ஊரன் என்றான் திருவெண்காடுறை உத்தமனே!!


திருவெண்காடு - மண்டைதீவு - யாழ்ப்பாணம் - இலங்கை

Wednesday, April 19, 2017

திருவெண்காட்டில் ஆனந்த நடராஐமூர்த்திக்கு சித்திரை திருவோணம் திருநீராட்டல் ! ! ! 20.04.2017


சித்திரை மாத நடராஜர் அபிஷேகம் இன்று மாலை 6:30-க்கு மேல் சிவகாமசுந்தரி சமேத ஶ்ரீமந் ஆனந்த நடராஜ மூர்த்திக்கு மஹாபிஷேகம் நடைபெறுகிறது.

ஆண்டுக்கு ஆறு முறை அபிஷேகம் காணும் ஆனந்த மூர்த்தி: 

ஆடல் வல்லானாகிய நடராஜப் பெருமானுக்கு ஒரு ஆண்டில் ஆறுமுறை அபிஷேகம் செய்ய வேண்டும் என்று ஆகம விதிகள் கூறுகின்றன. மூன்று முறை திதியிலும், மூன்று முறை நட்சத்திர நாளிலும் அபிஷேகங்கள் நடக்கின்றன. இதில் மிகச்சிறப்பானது மார்கழி திருவாதிரை. மற்றவை சித்திரை, திருவோணம் மற்றும் ஆனி உத்திர நட்சத்திர நாட்களாகும். ஆவணி, புரட்டாசி மாசி மாத வளர்பிறை சதுர்த்தசி திதிகளிலும் அவருக்கு அபிஷேகம் செய்யப்படும்.

Saturday, April 15, 2017

திருவெண்காடு புண்ணிய சேஷத்திரத்தில் சௌபாக்கியம் அருளும் சங்கடஹர சதுர்த்தி ! ! ! 14.04.2017


சௌபாக்யம் அருளும் சங்கடஹர சதுர்த்தி பூசையின் போதோ வழிபாட்டின் போதோ கீழ் கண்ட விநாயகர் துதி பாடல்கள் ஏதேனும் ஒன்றை பாடி வழி பட நன்மை பயக்கும் . மிக எளிமையான இனிமையான பாடல்கள் !!

வாக்கு உண்டாம் நல்ல மணமுண்டாம் மாமலரான் 
நோக்கு உண்டாம் மேனி நுடங்காது - பூக்கொண்டு
துப்பார் திருமேனித் தும்பிக்கையான் பாதம்
தப்பாமல் சார்வார் தமக்கு. 
ஒளவையார் 

Thursday, April 13, 2017

திருவெண்காட்டில் ஏவிளம்பி வருடப் பிறப்பு - 14.04.2017



ந்தப் புதுவருடம் பங்குனி 31-ம் தேதி இரவு (13-4-17) 12.43 மணிக்குப் பிறக்கிறது.

வரப்போகும் வசந்தத்துக்கு முன்னோட்டமாகத் திகழும் சித்திரை முதல் நாளை நாம் எப்படியெல்லாம் கொண்டாட வேண்டும், அன்றைக்கு நாம் என்னென்ன செய்ய வேண்டும் என்பது பற்றியெல்லாம் தெரிந்து கொள்ளலாமே.

தமிழ் கலாச்சாரம் சூரிய வழிபாடுபுதுவருடம் அன்று வீட்டை சுத்தம் செய்து, வாயில்களில் அழகாகக் கோலமிட வேண்டும். கதவுகளில், மஞ்சள், குங்குமம் இட்டு அலங்கரிக்க வேண்டும்.