கோடி கோடியாய் நன்மை கிடைக்கும் குடும்ப முன்னேற்றமும் அதிகரிக்கும் நலம் தரும் நடராஜர் தரிசனம் திருவெண்காடு மண்டைதீவு 15.07.2021

சிவபெருமானுக்குரிய இரண்டு தரிசனங்களில் முதல் தரிசனம் ஆனி மாதத்திலும், இரண்டாவது தரிசனம் மார்கழி மாதத்திலும் நடைபெறும்.

ஆனி மாதத்தில் உத்திர நட்சத்திரமன்று நடைபெறும் நடராஜர் அபிஷேகம் சிறப்பு வாய்ந்ததாகும். அன்றைய தினம் ஆடல் அரசனைப் பாடிப்பணிந்து வழிபட்டால், கோடி கோடியாய் நன்மை கிடைக்கும். குடும்ப முன்னேற்றமும் அதிகரிக்கும்.

மண்டைதீவு திருவெண்காட்டில் தொட்டதெல்லாம் துலங்கும் தைப்பூசத்திருநாள் ! ! ! 28.01.2021

"வந்தவினையும், வருகின்ற வல்வினையும்

கந்தனென்று சொல்லக் கலங்கிடுமே

செந்தில்நகர் சேவகா என திருநீரு

அணிவோர்க்கு மேவ வாராதே வினை..."

தைப்பூசம் வழிபாடு - சிறப்பு தகவல்கள்,

●தைப்பூசம் இந்தியாவில் மட்டுமின்றி இலங்கை, சிங்கப்பூர், மலேசியா, மொரிசியஸ் நாடுகளிலும் கொண்டாடப்படுகிறது.

◆தைப்பூசம் தினத்தன்று எல்லா முருகன் தலங்களிலும் முருகப்பெருமான் வீதி உலா வருவார்.

மண்டைதீவு திருவெண்காடு ஆனந்தபுவனத்தில் ஆருத்திராதரிசனம் படங்கள் இணைப்பு ! ! ! 30.12.2020

மண்டைதீவு திருவெண்காட்டில் ஆதியும் அந்தமும் இல்லா அருட்பெருஞ் ஜோதியனின் ஆருத்திரா தரிசனம் - 30.12.2020

மார்கழி திருவாதிரை ஆருத்ரா தரிசனத்தையொட்டி மண்டைதீவு திருவெண்காடு ஸ்ரீ சித்தி விநாயகர் தேவஸ்தான பொற்சபையில் (பொன்னம்பலம்) வீற்றிருந்து ஆனந்த தாண்டவம் புரியும் அருள்மிகு ஸ்ரீ சிவகாமசுந்தரி அம்பாள் உடனுறை அழகிய ஆனந்த நடராஐமூர்த்திக்கு 30.12.2020 அன்று அதிகாலை 4 மணியளவில் சிறப்பு மஹாஅபிஷேகம் (திருமஞ்சனம்) அலங்காரம் தீபாராதனைகள் நடைபெற்று அதனைத் தொடர்ந்து அம்மையும் அப்பனும் திருவீதி உலா வலம் வந்து அடியவர்களுக்கு பூலோக கைலாய தரிசனம் கொடுப்பார்கள்.

மண்டைதீவு திருவெண்காட்டில் மார்கழி திருவாதிரை ஆருத்திரா தரிசனம் 21.12.2020 சிறப்பு கட்டுரை

மார்கழி மாதத்தின் சிறப்பு

ஐயன் ஆருத்ரா தரிசனம் தந்தருளும் நாள் மார்கழித் திருவாதிரை. மார்கழி மாதத்தின் சிறப்புகளை முதலில் காண்போம். நமது மனித நாளில் காலை 4 மணி முதல் 6 மணிவரையான காலம் பிரம்ம முகூர்த்தம் என்றழைக்கப்படுகின்றது. சூரிய உதயத்திற்கு முந்தைய இந்தக் காலம் இறைவனை வணங்குவதற்கும், யோக சித்திக்கும் உகந்த நேரம் என்பதை உணர்ந்த நம் முன்னோர்கள் அதிகாலை துயிலெழுவதை ஒரு வழக்கமாக்கிக் கொள்ள வலியுறுத்தினர். நம்முடைய ஒரு வருடம் தேவர்களுக்கு ஒரு நாள் ஆகும். தேவர்களுடைய சூரிய உதயமான உத்தராயண காலம் தை மாதம் ஆகும் .. தேவர்களின் பிரம்ம மூர்த்தமான காலமே மார்கழி மாதம் ஆகும்.. தேவர்கள் செய்யும் ஆறு கால பூஜையின் உதய கால பூஜையே திருவாதிரை பூஜையாகும்.

மண்டைதீவு திருவெண்காட்டில் பிள்ளையார் பெருங்கதை விரத 15ம் நாள் சிறப்பு பதிவு 15.12.2020

 பிள்ளையாருக்கு மோதகத்தை படைத்து வழிபடுவர். அதற்கு ஒரு தத்துவ விளக்கம் சொல்வர்.

மோதகம் வெளியே மாவினாலும், உள்ளே சர்க்கரை, பயறு, தேங்காய் துருவல் கலந்த பூரணத்தினாலும் ஆனது.

இங்கு சர்க்கரை, பயறு, தேங்காய் துருவல் என்பன மனம், வாக்கு, காயம் என்பவற்றிக்கு உவமையாக்கப்பட்டு, மாவை உடலுக்கும், பூரணத்தை உயிருக்கும் ஒப்பிடுவர்.

மண்டைதீவு திருவெண்காட்டில் பிள்ளையார் பெருங்கதை விரத 10 ம் நாள் சிறப்பு பதிவு - 2020

 

புண்ணியம் கோடி வரும்

பொய் வாழ்க்கை ஓடிவிடும்

எண்ணியது கைகூடும்

ஏற்றதுணை--நண்ணிடவே

வாழ்வில் வளர்ஒளியாம்

வள்ளல் திருவெண்காடு சித்தி விநாயகனை

நாளெல்லாம் வாழ்த்திடுவோம்

ஓம் கம் கணபதயே நமஹ...!!

அன்பே சிவம் 

மண்டைதீவு திருவெண்காட்டில் திருவருள் பெருகும் திருக்கார்த்திகை‬ தீபத் திருவிழா ! ! ! 29.11.2020

கார்மேகம் சோணைமழை பொழியும் மாதம் கார்த்திகை மாதம். கார் என்றும், கார்த்திகை என்றும் வழங்கப்படும் காந்தள் பூ மிகுதியாக மலரும் காலம் கார்த்திகை மாதம். கார்த்திகை எனப்படும் விண்மீன் கூட்டம் கீழ்வானில் மாலையில் தோன்றும் மாதம் கார்த்திகை மாதம்.

இந்திரன், திருமால், பிரம்மன் எழிலார் மிகு தேவரெல்லாம் வந்து எதிர்கொள்ள வெள்ளை யானை அருள்புரிய திருவெண்காடு சித்தி விநாயகப்பெருமானுக்கு சார்வாரி வருட ஆவணி மாத மகோற்சவ பெருவிழா - 2020 சிறப்பிதழ் ! ! !

உலகெலாம் நிறைந்து விளங்குகின்ற எல்லாம் வல்ல பரம்பொருளான சித்தி விநாயகப்பெருமான் தம்மை நினைத்து உள்ளமுருகி வணங்கி வாழும் அடியார்களுக்கு அருள்பாலிக்கும் புண்ணியக்ஷத்திரம் திருவெண்காடு சித்தி விநாயகர் திருக்கோயில்

வரலாற்றுப் பிரசித்திபெற்ற திருவெண்காடு சித்தி விநாயகர் தேவஸ்தான

கொடியேற்ற நாள் 24.08.2020 ஆகும்.

வானளாவ உயர்ந்த அழகான இராஜகோபுரத்துடன் அமைந்திருக்கின்ற இந்த சித்திவிநாயகப்பெருமான் ஆலயம் மிகவும் கீர்த்தி பெற்ற மூர்த்தி இருக்கும் புனித ஸ்தலமாகும்.

யாழ்ப்பாணம் மண்டைதீவு திருவெண்காட்டில் ஆனந்த நடராஐ மூர்த்திக்கு ஆனி உத்தர திருமஞ்சனம் (மகா அபிசேகம்.) 28.06.2020

சுபமும் சுகமும் அருளும் திருவெண்காட்டில் இந்திரன் ஐராவதம் (வெள்ளை யானை) பிரம்மா விஷ்ணு சிவப்பிரியர் முதலானோர்கள்  நடாத்தும் ஆனி உத்தர  திருமஞ்சனம் (மகா அபிசேகம்.) அதிகாலை 4 மணி முதல் காலை 6 மணிவரை நடைபெறும்.

ஆனித் திருமஞ்சனம் போன்ற விழா சமயங்களில் கோவிலுக்குச் சென்று அபிஷேக, ஆராதனைகளில் கலந்துகொண்டால் அஷ்ட ஐஸ்வர்யங்கள் நிறைந்து பெருகும், என்பது அருளாளர்களின் சொல் வாக்கு. ஆனித் திருமஞ்சனத்தின்போது நடைபெறும் அபிஷேக ஆராதனைகளில் கலந்து கொண்டால் பேறுகள் பல பெறலாம். 

அபிஷேகத்திற்கு பக்தர்கள் அளிக்கும் பொருட்களால் அவர்கள் குடும்பத்திற்கு நல்ல பலன் கிட்டும் என்பது இறை நம்பிக்கையாக உள்ளது. அதனால், அபிசேகத்திற்கு செல்லும்போது, நம்மாள் முடிந்த அபிசேக பொருட்களைச் கொண்டு செல்வது சிறப்பு.